غالي يا وطني غالي
غالي و ترابك غالي


غالي و مش مكفي مالي
مش قادر انا على غلاك
***
بيقولو البنزين رح يولع
و جرة الغاز رح تفرقع



**
و البيض فقسّت اسعاره
حتى الجاجة حست بناره


***
و بيقولو الذهب غالي
طب مال الذهب و مالي؟
****
هو انا طايل صحن الرز؟
الله يرحم ايام العز
عاللحمة كنا نمز
و نحلّي وراها بمقالي


***
الخمسين ركبت جناحات
والعشرين بتفرطها خمسات
و العشرة بالجيبة ما بتبات
و الشيكل ما بتشتري كت كات
يا زلمة قرفت حالي
***



جدي بقول بالزمنات
كنا نحلب هالعنزات
و ناكل من لبن البقرات
و نزرع شوية قمحات
و هادين البال نبات
ما يهمنا طول الليالي
***
شو تركنا لولادنا عيشة؟؟
اكلتولنا الجاجة و الريشة
ما ضل غير ندخن هيشة
والفايسروي سعره بالعلالي
***
يا وطني ما اغلاك
و يا محلا شمسك و سماك
كان غلاك بقلوبنا
و صار الان ع جيوبنا
بس بتضلك محبوبنا
و هواك ع قلبي غالي

\'\' If u want something,you just go for it..If u get it , you won.. But if u don\'t get it , u don\'t loose , at least u have tried..it\'s never a shame to loose after trying..But is a shame if u loose whitout trying..Sit back..and thinks about my words..and u will know..that i\'m not lying....\"